LØST: Sliten Seat forlaten

- Den slitne, grønne Seat'en på Tveit er no fjerna. Leve skrot-sida i Askøyværingen!

Det skriv ein jublande tipsar til oss.

På den store grusplassen like før Tveitevågen-avkøyrsla ved Tveitavatnet, stod ein grøn Seat Inca som dag for dag får meir og meir spindelvev og rust på seg. Bilen er avskilta, fleire av dekka er på felgen og rutene knuste. Det var dei ikkje for eit års tid sidan.

– I fjor var alle vindauga heile og bilen var fylt av dekk. No er vindauga knuste og det ligg fullt med glasbitar rundt bilen, fortel styreleiar Jan Andree Bøge i Romledalen velforeining.

Kvar gong han køyrer til og frå heimen sin passerer han den forlatne bilen. Det har han sett seg lei av.

– Eg har snakka med kommunen fleire gonger, men utan at det har ført fram. No har bilen stått der i over eitt år. Ein kan jo stilla spørsmål ved kor flink kommunen er til å rydda, seier Bøge, som sterkt ønskjer bilen fjerna.

Har du sett om det har kome meir? Er bosset fjerna? Tips oss på sms eller mms: send "avtips" + ditt tips til 2097, eller send ein e-post til skrot@av-avis.no