Det vert nybygg på Fauskanger

Det gamle skulebygget skal rivast. Eit nytt skal koma opp, og gymsalen skal rehabiliterast.

Det vedtok eit einstemmig utval for oppvekst og levekår i ettermiddag. Onsdag kjem politikarane i utval for teknikk og miljø til å vedta det same.

Rådmannen anbefalte at politikarane vedtok det som vart kalla alternativ to, nemleg fullstendig rehabilitering av den eksisterande skulen og eit mindre tilbygg. Fleire av politikarane signaliserte at dei var redd for at denne løysinga ikkje ville vera god nok på sikt. Dei sa òg at dei var redde for at ein ikkje har god nok kontroll på kostnadene ved ei rehabilitering.

Etter ein lang spørjerunde og påfølgjande gruppemøte hadde alle partia konkludert med det same. Løysinga som no er vedtken, har ei konstnadsramme på 122 millionar kroner.

– Eg er veldig glad for at me får eit einstemmig vedtak. Det gir ein god signaleffekt, kommenterer utvalsleiar Rosalind Fosse (Frp).

Både foreldra og skuleleiinga på Fauskanger har uttalt at dei ønskjer seg eit nybygg.

Les meir om saka i AV fredag.